قارئین!عبقری ہر ماہ ایسے طاقتور روحانی اعمال دے رہا جس کی برکت سے آپ سارا سال سورج اور چاند گرہن کے اثرات سے حفاظت میں رہیں گے اور محض اللہ کے نام کی برکت سے‘سارا سال‘وبائیں‘آفات و بلیات ان شاءاللہ آپ کے قریب نہیں آئیں گی۔2024ءکے سورج‘ چاند گرہن کے اثراتِ بد سے محفوظ رہنے‘ اپنی نسلوں کو محفوظ رکھنے‘ گھر کاروبار کو محفوظ رکھنے کیلئے اور نحس لمحات سے حفاظت کے لئے یہ عمل ماہ نومبر 2024ء کیلئے چنا گیا ہے۔
ماہ نومبر کے ہرجمعہ والے دن عصر کی نماز کے بعد اپنے اور اپنے اہل و عیا ل کی مشکلات‘مصائب‘ جادو جنات اور تمام مسائل کا سخت تصور کرتے ہوئے ، اول آخر تین مرتبہ درود پاک کے ساتھ11 بار "اللہُ حَافِظِی ،اللہُ نَاصِرِی ،اللہُ حَاضِرِی،اللہُ نَاظِرِی،اللہُ مَعِی" پڑھ کر سفید کپڑے یا سفید ٹشو پر دم کر کے گھر کے ہر فرد کے سر پر یہ کپڑا یا ٹشو پھیر کراس تصور کے ساتھ جلا دیںکہ مشکلات‘جادو جنات ‘ مصائب اور پریشانیاں بھی جل رہی ہیں ‘ اس کی راکھ کو پانی میں بہا دیں یا پودوں کی کیاری میں ڈال دیں۔ان شاءاللہ اس عمل کی برکت سے ہر قسم کے نحوست بھرے اثرات سے حفاظت رہے گی اور اس ماہ آفات وبلیات سے بھی یقینی حفاظت اور نجات ملے گی۔یہ روحانی عمل آپ کو اس ماہ کی نحس گھڑیوں سے حفاظت میں رکھے گا جس سے غم اور دکھ درد دور ہوں گے‘ ان شاءاللہ۔
عمل کاہدیہ: اس ماہ صرف ایک بارحسب توفیق چاول اور شکر کیڑے مکوڑوں کو ڈا ل دیں اور اس تمام عمل کا ثواب حضرت ابو ذر غفاری ؓ اور حضور ﷺ کے گھرانے( حضورﷺ کی ازواج مطہراتؓ، بیٹیاںؓ،بیٹےؓ، دامادؓ، نواسےؓ اور نواسیاںؓ) کو ہدیہ کریں۔
نوٹ:یہ عمل ہر حالت میں کر سکتے ہیں۔